კუნძულ ტაივანზე ბროლის ფეხსაცმლის ფორმის ეკლესია ააშენეს.
BBC–ს ინფორმაციით, შენობა 320 ცისფერი შუშის პანელისგან შედგება. ის 16 მეტრიანია და მისი მშენებლობა 23 მილიონი აშშ დოლარი დაჯდა.
ეკლესია პუბლიკისთვის 8 თებერვალს გაიხსნება, როდესაც ჩინური კალენდრის მიხედვით ახალი წელი დგება.
ორიგინალური ეკლესიის მშენებლობა გასული წლის ივნისში დაიწყო.
ბროლის ფეხსაცმლის შენობის აგება ლეგენდას უკავშირდება. კერძოდ, 1960 წელს იმ მხარეს გოგონა სახელად ვონგ ცხოვრობდა, რომელსაც მძიმე ავადმყოფობის გამო ფეხების ამპუტაცია დასჭირდა. ამის შედეგად კი უკვე დაგეგმილი მისი ქორწილი გადაიდო. ვონგმა დარჩენილი ცხოვრება ტაძარში გაატარა.
როგორც პარკის ადმინისტრაციაში, სადაც ეკლესია განთვასდება, აცხადებენ, ტაძარში რეგულარული წირვა არ გაიმართება. ის ძირითადად, საქორწინო ცერემონიებისთვის იქნება განკუთვნილი.
The post ტაივანში ბროლის ფეხსაცმლის ფორმის ეკლესია ააშენეს(+ფოტო) appeared first on InfoLab.